რუსთავში ბუნებრივი აირის ნამწვით სამი ადამიანი მოიწამლა, აქედან ორი ბავშვია

რუსთავში, კლდიაშვილის ქუჩაზე, ერთ-ერთ საცხოვრებელ კორპუსში, ბუნებრივი აირის ნამწვით ინტოქსიკაცია სამმა ადამიანმა მიიღო, აქედან ორი ბავშვია. ადგილზე მობილიზებული იყო სასწრაფო სამედიცინო დახმარების ბრიგადა, საპატრულო პოლიცია და "სოკარ-ჯორჯია გაზის" ავარიული ბრიგადა.

მცირეწლოვანი ბავშვი სასწრაფო სამედიცინო დახმარების ბრიგადამ, ქალაქის ბავშვთა ცენტრალურ საავადმყოფოში გადაიყვანა, მოზარდებს კი სამედიცინო დახმარება ადგილზე გაეწიათ. ექიმების ინფორმაციით, სამივეს ჯანმრთელობის მდგომარეობა სტაბილურია და მათ სიცოცხლეს საფრთხე აღარ ემუქრება.

09-03-2019 19:41
წყარო: ambebi.ge